அமெரிக்காவிலுள்ள சிலி நாட்டில் உலகிலேயே மிகப்பெரிய டெலஸ்கோப் அமைக்கப்பட உள்ளது. இது ரூ.5 ஆயிரம் கோடி செலவில் தயாரிக்கப்பட்டு வருகிறது.
இந்த தகவலை தெற்கு ஐரோப்பிய வானிலை ஆய்வு மையம் தெரிவித்துள்ளது. இதன் மூலம் வானத்தில் உள்ள கோள்கள், நட்சத்திரங்கள் மற்றும் கோள்களுக்கு அப்பால் நடைபெறும் அதிசயங்களை உன்னிப்பாகக் கவனிக்க முடியும்.
உலகின் மிகப் பெரிய டெலஸ்கோப் ஆய்வு மையம்.
இது கடல் மட்டத்தில் இருந்து 3,060 மீட்டர் உயரத்தில் மலை மீது அமைக்கப்படுகிறது. சிலியின் வட பகுதியில் மைன் ரிச்அடகாமா பாலைவனப் பகுதியில் இந்த மலை உள்ளது.
மற்ற டெலஸ்கோப்களை விட இதில் மிகவும் தெளிவாகப் பார்க்க முடியும். இந்த டெலஸ்கோப் அமைக்கும் பணி 2018ஆம் ஆண்டுக்குள் நிறைவடையும் என எதிர்பார்க்கப்படுகிறது.
உலகக் கோப்பை கால்பந்து போட்டிகள் தொடங்க இன்னும் இரண்டு மாதங்களுக்கும் குறைவான நாட்களே இருக்கின்ற நிலையில் தென் ஆப்பிரிக்காவில் கோலாகலங்கள் தொடங்கியுள்ளன.
ஜூன் மாதம் 11 ஆம் தேதி தொடங்கி ஜூலை மாதம் 11 ஆம் தேதி வரை 2010 உலகக் கோப்பை கால்பந்து போட்டிகள் இடம் பெறவுள்ளன.
32 நாடுகள், 9 நகரங்களிலுள்ள 10 விளையாட்டு அரங்கங்களில் இடம் பெறவுள்ள இந்தப் போட்டிகளில் கலந்து கொள்கின்றன.
உலகெங்கும் 100 கோடிக்கும் அதிகமான மக்கள் நேரிலும் தொலைக்காட்சியிலும் இந்தப் போட்டிகளை கண்டு ரசிப்பார்கள் என்று எதிர்பாக்கப்படுகிறது.
உலகக் கோப்பை கால்பந்து போட்டி-ஓர் அறிமுகம்
உலகின் மிகப் பெரிய விளையாட்டுத் திருவிழா என்று வர்ணிக்கப்படும் உலகக் கோப்பை கால்பந்துப் போட்டிகள் ஒரு ஆப்பிரிக்க நாட்டில் முதல் முறையாக நடைபெறவுள்ளன.
ஆப்பிரிக்காவின் ஒரு அணி உலகக் கோப்பையை வெல்லுமா என்கிற எதிர்பார்ப்பு அந்தக் கண்டத்திலுள்ள அனைத்து நாடுகளிலும் இருக்கிறது.
இந்த விடயத்தில்,மொழி, மதம், இனம், கலாச்சாரம், அரசியல், போட்டி பொறாமை என்பதற்கெல்லாம் அப்பாற்பட்டு ஒரு ஒற்றுமை இருக்கின்றது.
நன்மைகளை அளிக்கவுள்ள போட்டிகள்
ஃபுட்பால் ஃபார் ஹோப் அதாவது ஒளிமையமான எதிர்காலத்துக்காக கால்பந்து என்கிற லட்சியத்துடன் சர்வதேச கால்பந்து சம்மேளனம் இந்த உலகக் கோப்பை கால்பந்து போட்டிகளை முன்னெடுத்துச் செல்கிறது.
தென் ஆப்பிரிக்காவில் நடைபெறவுள்ள இந்த உலகக் கோப்பை கால்பந்து போட்டிகள் முடிவுக்கு வந்த பிறகும் அது ஏற்படுத்தப்போகும் நன்மைகள் தொடரும் என சர்வதேச கால்பந்து சம்மேளனமான ஃபிஃபாவின் தலைவர் செப் பிளெட்டர் தெரிவித்துள்ளார்.
அனைவருக்கும் கல்வி, அதுவும் கால்பந்தின் மூலம் அதை விளையடும் இளம் வீரர்கள் மூலம், அவர்களின் ஆரோக்கியத்தின் மூலம் நன்மை ஏற்படப் போகிறது. ஆரோக்கியம், கல்வி, கால்பந்து ஆகிய நன்மைகள் 2010 தொடங்கி 2015 ஆம் ஆண்டு வரை தொடரும்
செப் பிளாட்டரின் இந்த அறிவிப்பு உலகமெங்கும் பலத்த வரவேற்பை பெற்றது. இந்த முன்னெடுப்பில் ஃபிஃபாவுக்கு உதவ உலகின் பல நாடுகள் முன்வந்துள்ளன.
கால்பந்தின் மூலம் எதிர்காலம் என்கிற லட்சியம் ஆப்பிரிக்க கண்டத்திலுள்ள அனைவருக்கும் உதவும் என்றும் ஃபிஃபாவின் தலைவர் கூறியுள்ளார்.
இந்தத் திட்டங்கள் தென் ஆப்பிரிக்காவுக்கு மட்டும் உதவி செய்யும் என்றில்லை, ஆப்பிரிக்க கண்டம் முழுவதும் பலன் பெறும். ஆப்பிரிக்க கண்டத்தில் இந்த முன்னெடுப்பு நடைபெற்ற பிறகு உலகம் முழுவதும் இந்தத் திட்டம் எடுத்துச் செல்லப்படும்.
புதிய விளையாட்டு அரங்கங்கள்
ஜூன் மாதம் 11 ஆம் தேதி தொடங்கி ஜூலை மாதம் 11 ஆம் தேதி வரை நடைபெறவுள்ள இந்த உலகக் கோப்பை கால்ப்ந்து போட்டியில் 32 நாடுகள் பங்கு பெறுகின்றன. அவை எட்டு பிரிவுகளாக பிரிக்கப்பட்டுள்ளன.
போட்டிகள் 10 மைதானங்களில் நடைபெறும். இவை 9 நகரங்களில் அமைந்துள்ளன. கேப்டவுன், டர்பன், ஜோஹனஸ்பர்க், ப்ளூம்ஃபொண்டைன், போர்ட் எலிசபெத், நெல்ஸ்ப்ரூயிட், பொலக்வானே, ரஸ்டன்பர்க் மற்றும் பிரெட்டோரியா ஆகிய நகரங்களில் போட்டிகள் இடம் பெறவுள்ளன.
போட்டிகளுக்காக பல புதிய விளையாட்டரங்கங்கள் நிர்மாணிக்கப்பட்டுள்ளன. அவற்றில் ஒன்று சாக்கர் சிட்டி இந்த அரங்கில் தான் 2010 உலகக் கோப்பை போட்டியின் முதல் மற்றும் இறுதி ஆட்டங்கள் இடம் பெறவுள்ளன.
கலாபாஷ் எனும் மிகவும் புகழ் பெற்ற ஆப்பிரிக்க பானையின் வடிவத்தை மையப்படுத்தி இந்த விளையாட்டு அரங்கம் அமைக்கப்பட்டுள்ளது.
இந்த அரங்கில் 95,000 பேர் அமர்ந்து போட்டிகளைக் காண முடியும்
ஸ்ரீலங்கா சுதந்திரக் கட்சியின் சிரேஷ்ட உறுப்பினரும் நீண்டகால அரசியல் அனுபவம் கொண்டவருமான டி.எம்.ஜயரட்ன, இலங்கையின் 14ஆவது பிரதமராக ஜனாதிபதி மகிந்த ராஜபக்ஷ முன்னிலையில் சற்றுமுன்னர் பதவிப் பிரமாணம் செய்து கொண்டார்.
பிரதமர் பதவி தொடர்பில் முன்னாள் பிரதமர் ரட்ணசிறி விக்ரமநாயக்க, பசில் ராஜபக்ஷ ஆகியோரது பெயர்கள் முன்மொழியப்பட்டிருந்த போதிலும், இன்று சுபநேரத்தில் திமு என அழைக்கப்படும் டி.எம். ஜயரட்ன பிரதமராகப் பதவியேற்றிருக்கின்றார்.
அலரி மாளிகையில் முன்னாள் பிரதமர், புதிதாக தெரிவான நாடாளுமன்ற உறுப்பினர்கள், சிரேஷ்ட அரசியல் பிரமுகர்கள் இதன்போது வருகை தந்திருந்தனர்.
திசாநாயக்க முதியான்சலாகே ஜயரட்ன, 1936 ஆம் ஆண்டு ஏப்ரல் மாதம் 6ஆம் திகதி பிறந்தார். கண்டி மாவட்டத்தைப் பிரதிநிதித்துவப்படுத்தும் ஜயரட்ன 1970 ஆம் ஆண்டு நாடாளுமன்ற உறுப்பினராக நியமனம் பெற்றார்.
இவர் கடந்த 2004 ஆம் ஆண்டில் நடந்த ஆறாவது நாடாளுமன்றத் தேர்தலில் போட்டியிட்டு, கால்நடை அபிவிருத்தி அமைச்சராகப் பதவி வகித்து வந்தவராவார்.
கண்டி மாவட்டத்தின் இறுதித் தேர்தல் முடிவுகள் வெளியாகியுள்ளன.
அதன்பிரகாரம் ஐக்கிய மக்கள் சுதந்திரக் கூட்டமைப்பு 339819 வாக்குகளையும் ஐக்கிய தேசிய கட்சி 192798 வாக்குகளையும் ஜனநாயக தேசிய முன்னணி 23728 வாக்குகளையும் பெற்றுள்ளன.
விருப்பு வாக்குகளின் அடிப்படையில் ஐக்கிய மக்கள் சுதந்திரக் கூட்டமைப்புக்கு 8 ஆசனங்களும் ஐ.தே.கட்சிக்கு 4 ஆசனங்களும் கிடைக்கப்பெற்றுள்ளன.
ஐக்கிய மக்கள் சுதந்திரக் கூட்டமைப்பில் வெற்றி பெற்றோர் விபரம்
ஐக்கிய தேசிய கட்சியில் வெற்றி பெற்றோர் விபரம்
கண்டி மாவட்டத்தில் 85 ஆயிரம் தமிழ் வாக்குகள் உள்ள போதும் ஆளுங்கட்சியிலும் ஐக்கிய தேசிய கட்சியிலும் போட்டியிட்ட எந்தவொரு தமிழ் வேட்பாளரும் வெற்றி பெறவில்லை. ஆனால் கண்டிமாவட்டத்தில் சுமார் 70 ஆயிரம் வாக்குகளைக்கொண்ட முஸ்லிம் சமூகத்தின் சார்பில் நான்கு உறுப்பினர்கள் தெரிவு செய்யப்பட்டுள்ளனர்.
ஐக்கிய தேசிய கட்சியில் போட்டியிட்ட ஜனநாயக மக்கள் முன்னணியின் தலைவர் மனோ கணேசனும் இந்தக்கட்சியில் போட்டியிட்ட இராஜரட்ணமும் ஐக்கிய மக்கள் சுதந்திரக் கூட்டமைப்பில் போட்டியிட்ட மதியுகராஜாவும் வெற்றிபெறவில்லை என்பது குறிப்பிடத்தக்கது.
ஐக்கிய மக்கள் சுதந்திரக் கூட்டமைப்பில் போட்டியிட்ட முன்னாள் பிரதியமைச்சர் பைசர் முஸதபா 20 ஆயிரம் முஸ்லிம் அல்லாதவர்களின் வாக்குகளாலும் நாவலப்பிட்டிய மீள்வாக்களிப்பில் முஸ்லிம் மக்கள் வழங்கிய பெரும் ஆதரவாலும் வெற்றி பெற்றுள்ளமைக் குறிப்பிடத்தக்க விடயமாகும்.
மேலும் தேசிய பட்டியலில் தெரிவானோர் விபரங்களும் வெளியிடப்பட்டுள்ளது.
ஐக்கிய மக்கள் சுதந்திரக் கூட்டமைப்பில் 17 தேசிய பட்டியல் உறுப்பினர்கள் தெரிவு செய்யப்பட்டுள்ளனர்.
ரட்ணசிறி விக்கிரமநாயக்க, டி.எம்.ஜெயரத்ன, டளஸ் அழகபெரும, ஜீ.எல்.பீரிஸ், டியூ குணசேகர, திஸ்ஸ விதாரண,கீதாஞ்சன குணவர்த்தன, வண.எல்லாவள மேதானந்ததேரர், முத்து சிவலிங்கம், அச்சல ஜாகொட, விநாயகமூர்த்தி முரளீதரன்,ஜே.ஆர்.பி.சூரியபெரும, ஜனக பண்டார, பேராசிரியர்.ராஜிவ் விஜயசிங்க, ஏ.எச்.எம்.அஸ்வர், மாலினி பொன்சேகா, கமல் ரணதுங்க ஆகியோர் ஐ.ம.சு.மு. தேசிய பட்டியல் உறுப்பினர்களாவர்.
அதேவேளை ஐக்கிய தேசியக் கட்சியின் தேசியப் பட்டியல் உறுப்பினர்கள் விபரம் வெளியிடப்பட்டுள்ளது.ஐ.தே.க. சார்பில் 9 பேர் தேசிய பட்டியலில் தெரிவு செய்யப்பட்டுள்ளனர்.
ஐ.தே.க பொதுச் செயலாளர் திஸ்ஸ அத்தநாயக்க, ஜோசப் மைக்கல் பெரேரா, ஹர்ஷ டி சில்வா, ஏர்ன் விக்கிரமரத்ன, டி.எம்.சுவாமிநாதன், ஆர்.யோகராஜன், அனோமா கமகே, ஹசன் அலி, சலீம் மொஹமட் ஆகியோர் ஐ.தே.க தேசிய பட்டியல் உறுப்பினர்களாவர்.
அத்துடன் ஜனநாயக தேசிய முன்னணியின் தேசிய பட்டியல் உறுப்பினர்களாக அநுர குமார திஸாநாயக்க , டிரான் அலஸ் ஆகியோரும்,தமிழ் தேசியக் கூட்டமைப்பின் தேசிய பட்டியல் உறுப்பினராக எம்.சுமந்திரனும் தெரிவுசெய்யப்பட்டுள்ளனர்.
வர்ணனையாளர்:
இலங்கை இந்திய அணிகளுக்கிடையிலான முதாலவது ஒருநாள் போட்டி அழகான ரன்கிரி தம்புள்ள விளையாட்டரங்கில் நடைபெற்றுக்கொண்டிருக்கிறது,
இலங்கை அணி நாணய சுழற்சியில் வெற்றிபெற்று முதலில் துடுப்பெடுத்தாடுகிறது,
இப்போது இலங்கை அணியின் ஆரம்ப துடுப்பாட்ட வீரர்களாக உபுல் தரங்க மற்றும் கவ்ரவ விளையாட்டு அமைச்சர் சனத் ஜெயசூரிய ஆகியோர் கலத்தினுள் நுழைகின்றனர்,
கவ்ரவ விளையாட்டு அமைச்சர் சனத் ஜெயசூரிய தனது கார்ட்ஐ பெற்றுக்கொண்டு வளமைப்போல தனது பாட், பால் கார்ட் மற்றும் ஹெல்மட்டை சரி பார்த்து, அசிஸ் நேஹ்ராவின் பந்திற்கு தயாராகிறார்,
இதோ ஹசிஸ் நேஹரவின் முதல் பந்து வீசப்படுகிறது, கவ்ரவ விளையாட்டு அமைச்சர் சனத் ஜெயசூரிய துடுப்பெடுத்தாடுகிறார் பந்து பாட்டிற்கும் பாடிற்கும் இடையே சென்று லேக் ஸ்டாம்பை பதம்பார்கிறது.
துடுப்பாட்டவீரர் ஆட்டமிலப்பை மறுத்து சொல்கிறார் .. எனக்கு அதிகூடிய பவர் இருக்கிறது எனவே நடுவர்களுக்கு ஆட்டமிலப்பு வழங்க முடியாது !!"
திடிரென்று நேரடி வர்ணனை தடைபடுகிறது......
ஒரு வெள்ளை வான் மைதானத்தைவிட்டு தூசியுடன் கிளம்புகிறது !!!
